دى تقريبا اول مرة اكتب فيها بالشكل ده على مدونة
فاعذرونى لو لقيتوا كلامى مش مترتب انا بكتب افكارى ومشاعرى......
وافكارى ومشاعرى متلخبطة من اول مرة فتحت فيها عينيا وانا بتشدنى حاجات
منها حبى لعلى الحجار ومحمد منير وجمال عبد الناصر وبهية
ولما كبرت اختلفت افكارى بس مشاعرى فضلت زى ما هى فضلت احب نفس الناس ما عدا جمال
وافكارى وصلتنى ان مش بس النية على فعل الخير تخليك تبقى كويس
انما فى الحقيقة علشان تبقى كويس لازم تكون عندك قدرة على فعل الخير وده فى الحقيقة الى بيفرق ما بين البشر القدرة على فعل الخير وده فى الحقيقة الى باحاول اعملة يكون عندى القدرة على فعل كده فى حياتى
وده صعب علشان ده بيخليك مختلف وده بيخللى الناس تبصلك بتعالى علشان انت مختلف
وتحس بنظراتهم كانهم بيقولوا اعقل السكة سد ارجع لطريق اجدادك بس
فى الحقيقة لو بصيت للموضوع من منظور اخر حتلاقى ان الناس بيبصوا لك وما بيبصوش لبعضهم
علشان هم صورة كربون بس الظاهر لما جت الناس المختلفة كان الكربون باظ فلما جت الناس المختلفة
يتكتب تاريخهم فى الدنيا جه مختلف وده بيخلق الزعماء والمفكرين علشان كده باقول للمختلف استحمل استحمل ظلم الناس
هم مايعرفوش ان انت الامل فى بكره استحمل علشان بهية
استحمل .. استحمل .. استحمل
لكل اصدقائى الاعزاء
